பேட்மிண்டன் சங்கத்தின் (BAM) புதியத் தலைவராகத் தேர்ந்தெடுக்கப்பட்டுள்ள முதலீடு, வர்த்தகம் மற்றும் தொழில்துறை அமைச்சர் தெங்கூ தத்தோ சிரி சாஃப்ருல், சங்கத்தை உள்ளூரும் பன்னாட்டு மட்டத்திலும் தலைசிறந்த அமைப்பாக மாற்றும் உறுதிமொழி அளித்தார்.

தனக்கு வழங்கப்பட்ட நம்பிக்கையை பெருமையாகக் கருதி, 100 நாள் கால அவகாசத்தில் வீரர்கள், பயிற்சியாளர்கள், பங்காளிகள் மற்றும் ஆதரவாளர்களின் பார்வைகள் பெறுவதாகவும், அதனைத் தழுவியொரு விரிவான மற்றும் நடைமுறை அடிப்படையிலான வளர்ச்சி திட்டத்தை உருவாக்குவதாகவும் தெரிவித்தார்.

“100 நாட்கள் கழித்து என் திட்டக் காட்சியும், செயல்திட்டங்களும் சமர்ப்பிக்கப்படும்,” என உறுதியுடன் கூறிய அவர், ஒலிம்பிக் தங்கம் எனும் கனவையும் அடைய திட்டமிட்டுள்ளதாகக் கூறினார்.

“சவால்களை எதிர்கொள்வதற்குத் தயார், திட்டமிட்டு செயல்பட்டால் வெற்றி நிச்சயம்,” என்றார் BAM தலைமை நம்பிக்கையுடன் ஏற்றுள்ள தெங்கூ சாஃப்ருல்.