கங்கார் — பாடாங் பசார், பெசெரி அருகே உள்ள திமா தாசோ அன்னம் நீரேரியில் நேற்று மீன்பிடிக்கு சென்ற 25 வயது பொறியாளர் முஹம்மத் ஸம்ஹரீர் சுல்கிஃப்லி நீரில் மூழ்கி உயிரிழந்தார்.

அவர் தனது நண்பருடன் காலை 7 மணிக்கு படகில் மீன்பிடிக்கச் சென்றார். மீன்பிடி முடிந்ததும் படகு தாழ்நீரில் சிக்கியது. அதை ஆழமான பகுதியில் தள்ளினர். ஆனால், ஸம்ஹரீர் மீண்டும் படகில் ஏற முடியாமல் நீரில் தவறி விழுந்து மூழ்கினார். நண்பர் அவரை காப்பாற்ற முயன்றும் வெற்றியடையவில்லை.

தகவலறிந்த தீயணைப்பு வீரர்கள் தேடுதல் பணியில் ஈடுபட்டு, அவர் விழுந்த இடத்திலிருந்து சுமார் 5 மீட்டர் தொலைவில் பிற்பகல் 2.45 மணிக்கு உடலை மீட்டனர். உடல், துவாங்கு பாவ்சியா மருத்துவமனைக்கு அனுப்பப்பட்டு மேலதிக விசாரணை நடைபெற்று வருகிறது.