சோர்வு காரணமாக நேற்று  மருத்துவமனையில் அனுமதிக்கப்பட்ட புருனை சுல்தான் ஹசனல் போல்கியா உடல் ஆரோக்கியத்துடன் இருப்பதாக பிரதமர் அன்வார் இப்ராஹிம் தெரிவித்தார். 78 வயதான சுல்தான் கோலாலம்பூரில் உள்ள தேசிய இதய நிறுவனத்தில் (IJN) அனுமதிக்கப்பட்டார். அங்கு அவர் சில நாட்கள் கண்காணிப்பில் இருப்பார் என்று எதிர்பார்க்கப்படுகிறது.நான் தாமதமாக வந்ததற்கு மன்னிக்கவும்… நான் புருனே சுல்தானை சந்திக்க IJN சென்றேன் என்று அன்வர் இங்கு நடந்த ஒரு நிகழ்வில் கூறினார். அவர் தற்போது ஓய்வெடுத்து வருகிறார்… (மேலும்) அவர் நல்ல நிலையில் உள்ளார். புத்ராஜெயா அனைத்துலக மாநாட்டு மையத்தில் நடைபெற்ற ஆசியான் தணிக்கையாளர்கள் மாநாடு 2025 இன் முடிவில் அவர் செய்தியாளர்களிடம் பேசினார்.பின்னர் ஒரு அறிக்கையில், புருனே அரச குடும்ப உறுப்பினர்களைத் தவிர, தற்போதைக்கு பார்வையாளர்கள் அனுமதிக்கப்பட மாட்டார்கள் என்று சுல்தானின் மருத்துவக் குழு அறிவுறுத்தியதாக அவர் கூறினார். நேற்று, ஆசியான்-வளைகுடா ஒத்துழைப்பு மன்றத்தின் -சீனா உச்சநிலை மாநாட்டில் சுல்தான் இல்லாதது குறித்து செய்தியாளர்கள் விசாரித்தனர். அவர் IJN இல் அனுமதிக்கப்பட்டதாக வெளியான தகவல்கள் தெரிவிக்கின்றன. புருனேயில்  பிரதமர், நிதியமைச்சர், பாதுகாப்பு அமைச்சர் என சுல்தான் பல முக்கியப் பொறுப்புகளை வகிக்கிறார்.