ஜோகூர் பாருவின் ஒரு விரைவுச் சாலையில் சாலைப் பிரிப்பான் மீது மோதியதில் 25 வயது மோட்டார் சைக்கிள் ஓட்டுநர் உயிரிழந்தார். சனிக்கிழமை (ஆகஸ்ட் 2) E22 செனாய்- டேசாரு விரைவுச் சாலையில் 30.4 கிலோமீட்டரில் இந்த சம்பவம் நடந்ததாக ஸ்ரீ ஆலம் OCPD உதவி ஆணையர் முகமட் சோஹைமி இஷாக் தெரிவித்தார்.

பாதிக்கப்பட்ட ஆண், E22 செனாய்-தேசரு விரைவுச்சாலையில் இருந்து டேசாரு நோக்கி பயணித்துக் கொண்டிருந்தார். சாலையின் இடதுபுறத்தில் உள்ள சாலை தடுப்பு சுவரில் மோதுவதற்கு முன்பு அவர் தனது மோட்டார் சைக்கிளின் கட்டுப்பாட்டை இழந்ததாகவும் பலத்த உள் காயங்கள் காரணமாக பாதிக்கப்பட்டவர் சம்பவ இடத்திலேயே இறந்தார்.

அஜாக்கிரதையாகவோ அல்லது ஆபத்தானதாகவோ வாகனம் ஓட்டி மரணத்தை ஏற்படுத்தியதற்காக, சாலை போக்குவரத்து சட்டம் 1987 இன் பிரிவு 41(1) இன் கீழ் வழக்கு விசாரிக்கப்பட்டு வருவதாக அவர் மேலும் கூறினார். சாலை பயனர்கள் பொறுமையாக பயணிக்கவும், போக்குவரத்து சட்டங்கள், விதிமுறைகளை எப்போதும் கடைப்பிடிக்கவும் அவர் நினைவூட்டினார். சம்பவம் பற்றிய தகவல்களைக் கொண்ட சாட்சிகள் விசாரணையில் உதவ 07-3864222 என்ற எண்ணில் காவல்துறையைத் தொடர்பு கொள்ளுமாறும் கேட்டுக் கொள்ளப்படுகிறார்கள்.