உலகின் மிகப்பெரிய கோடீஸ்வரரான எலான் மஸ்க்கின் டெஸ்லா நிறுவனம் எலக்ட்ரிக் வாகனங்களை உற்பத்தி செய்து விற்பனை செய்து வருகிறது. டெஸ்லா நிறுவனம்தான் உலகின் மிகப்பெரிய எலக்ட்ரிக் வாகனம் விற்பனை நிறுவனம் என்ற பெயரை கொண்டிருந்தது.
இந்த நிலையில் கடந்த இரண்டு வருடமாக டெஸ்லாவின் விற்பனை வெகுவாக குறைந்த நிலையில், இந்த பெயரை சீன நிறுவனத்திடம் இழந்துள்ளது.
2025-ல் டெஸ்லா 1.64 மில்லியன் வாகனங்களை விற்பனை செய்துள்ளது. இது 2024 வருடத்தை விட 9 சதவீதம் குறைவு.
சீனாவின் BYD நிறுவனம் 2025-ல் 2.26 வாகனங்களை விற்பனை செய்துள்ளது.
விற்பனை குறைவு, பல்வேறு பிரச்சனைகளை சந்தித்தாலும், பங்குச் சந்தையில் டெஸ்லாவின் மதிப்பு ஏறக்குறைய 11 சதவீதம் அதிகரித்துள்ளது.
