2026-ம் ஆண்டுக்கான 'சிக்ஸ் நேஷன்ஸ்' (Six Nations Rugby) ரக்பி தொடரில் இங்கிலாந்து அணி தனது முதல் போட்டியிலேயே வேல்ஸ் அணியை 48-7 என்ற கணக்கில் வீழ்த்தி அதிரடித் தொடக்கத்தைத் தந்துள்ளதது. ட்விக்கன்ஹாம் மைதானத்தில் நடைபெற்ற இந்தப் போட்டியில் இங்கிலாந்து வீரர் ஹென்றி அருண்டெல் (Henry Arundell) மூன்று டிரை (Tries) செய்து ஹாட்ரிக் சாதனை படைத்தார். இங்கிலாந்து அணியின் இந்த வலுவான ஆட்டம் ரசிகர்களை வெகுவாகக் கவர்ந்துள்ளது.

முன்னதாக நடைபெற்ற தொடக்க ஆட்டத்தில், நடப்பு சாம்பியனான பிரான்ஸ் அணி அயர்லாந்தை 36-14 என்ற கணக்கில் வீழ்த்தி தனது ஆதிக்கத்தைச் செலுத்தியது. இத்தாலி அணி ஸ்காட்லாந்துக்கு எதிராக 18-15 என்ற கணக்கில் ஒரு கடினமான வெற்றியைப் பதிவு செய்துள்ளது. இந்தத் தொடரின் முதல் வார முடிவில் இங்கிலாந்து மற்றும் பிரான்ஸ் அணிகள் புள்ளிப்பட்டியலில் முன்னிலை வகிக்கின்றன.

அடுத்த வாரம் சனிக்கிழமை அயர்லாந்து அணி இத்தாலியையும், இங்கிலாந்து அணி ஸ்காட்லாந்தையும் எதிர்கொள்ள உள்ளன. வேல்ஸ் அணி தனது அடுத்த போட்டியில் பிரான்சை எதிர்கொள்ள இருப்பதால், அந்த அணி மீண்டும் வெற்றிப் பாதைக்குத் திரும்பக் கடினமாக உழைக்க வேண்டியிருக்கும். ஐரோப்பாவின் மிகப்பெரிய ரக்பி திருவிழாவான இத்தொடர் ரசிகர்களிடையே பெரும் வரவேற்பைப் பெற்று வருகிறது.