மத்திய கிழக்கில் பதற்றம் உச்சக்கட்டத்தை எட்டியுள்ள நிலையில், அமெரிக்கா மற்றும் இஸ்ரேல் இணைந்து ஈரானின் ராணுவக் கட்டமைப்புகள் மற்றும் எண்ணெய் ஆலைகளை இலக்கு வைத்துப் பெரும் தாக்குதலை நடத்தியுள்ளன. ஈரானின் ராணுவ மற்றும் பொருளாதார வலிமையைக் குறைக்கும் நோக்கில் இந்த ஒருங்கிணைந்த தாக்குதல் நடத்தப்பட்டுள்ளதாகத் தெரிவிக்கப்பட்டுள்ளது.
தலைநகர் டெஹ்ரான் உட்படப் பல முக்கிய இடங்கள் இந்தத் தாக்குதலுக்கு உள்ளாகியுள்ளன. ஈரானின் கடற்படை மற்றும் விமானப் படைப் பிரிவுகள் பெருமளவில் அழிக்கப்பட்டுள்ளதாக அமெரிக்க அதிபர் டிரம்ப் தெரிவித்துள்ளார். ஈரானில் உள்ள ஏவுகணை ஏவுதளங்கள் மற்றும் தரவு மையங்களையும் அமெரிக்க-இஸ்ரேல் படைகள் தாக்கியுள்ளதாகத் தகவல்கள் தெரிவிக்கின்றன.
நிலைமை மோசமடைந்து வருவதால், ஈரானில் உள்ள அமெரிக்கத் தூதரகம் அங்குள்ள அமெரிக்கர்களைப் பாதுகாப்பான இடங்களுக்குச் செல்லுமாறு எச்சரிக்கை விடுத்துள்ளது. ஈரான் எல்லையை ஒட்டியுள்ள துருக்கி போன்ற நாடுகளுக்குப் பொதுமக்கள் அகதிகளாகப் படையெடுக்கத் தொடங்கியுள்ளதால் பிராந்திய அளவில் பெரும் பரபரப்பு ஏற்பட்டுள்ளது.
