மலேசிய இயக்குனர் சோங் கீட் ஆன் இயக்கத்தில் சர்வதேச விருதுகளை வென்ற 'மதர் பூமி' (Mother Bhumi) திரைப்படம், மே 10 முதல் 14 வரை மலேசியா முழுவதும் சிறப்புத் திரையிடல்களை நடத்தவுள்ளது. கோலாலம்பூர், ஜொகூர் மற்றும் பினாங்கு உள்ளிட்ட முக்கிய நகரங்களில் இந்தப் படம் திரையிடப்பட உள்ளது.
இந்தத் திரைப்படத்தில் உலகப் புகழ்பெற்ற நட்சத்திரமான ஃபேன் பிங்பிங் (Fan Bingbing) முதன்மை கதாபாத்திரத்தில் நடித்துள்ளார். மலேசியப் பின்னணியில் உருவான இத்திரைப்படம், ஏற்கனவே பல சர்வதேசத் திரைப்பட விழாக்களில் பாராட்டுக்களையும் விருதுகளையும் குவித்து மலேசியாவிற்குப் பெருமை சேர்த்துள்ளது.
இந்தச் சுற்றுப்பயணத்தின் போது ரசிகர்கள் ஃபேன் பிங்பிங் மற்றும் இயக்குனர் சோங் கீட் ஆன் ஆகியோரைச் சந்திக்கும் வாய்ப்பும் உள்ளது. ஒரு உலகத்தரம் வாய்ந்த மலேசியத் திரைப்படத்தைத் திரையரங்கில் காணும் வாய்ப்பை ரசிகர்கள் தவறவிட வேண்டாம் என்று படக்குழுவினர் கேட்டுக் கொண்டுள்ளனர்.
