நடிகர் விஜய் தேவரகொண்டா இன்று தனது 37-வது பிறந்தநாளைக் கொண்டாடுகிறார். இதனை முன்னிட்டு நடிகை ராஷ்மிகா மந்தனா தனது சமூக வலைதளப் பக்கத்தில் மிகவும் உருக்கமான பதிவு ஒன்றை வெளியிட்டுள்ளார். அதில், "பிறந்தநாள் வாழ்த்துக்கள் தங்கம்! நீ எப்போதும் இப்படியே மகிழ்ச்சியாகவும், வெற்றிகரமாகவும் இருக்க வேண்டும்" என பதிவிட்டு ஒரு அழகான புகைப்படத்தையும் பகிர்ந்துள்ளார்.
இந்த பிறந்தநாள் கொண்டாட்டத்திற்காக ராஷ்மிகா பிரத்யேகமாக ஒரு விருந்துக்கு ஏற்பாடு செய்திருந்ததாகக் கூறப்படுகிறது. நெருங்கிய நண்பர்கள் மட்டுமே கலந்துகொண்ட இந்தத் தனிப்பட்ட நிகழ்வில், விஜய் தேவரகொண்டாவிற்குப் பிடித்தமான விஷயங்களை ராஷ்மிகா பார்த்துப் பார்த்து செய்துள்ளார். இவர்களின் இந்த நெருக்கம், நீண்ட நாட்களாக நிலவி வரும் இவர்களது காதல் வதந்திகளுக்கு மேலும் வலுசேர்க்கும் விதமாக அமைந்துள்ளது.
ரசிகர்களும் சமூக வலைதளங்களில் #HBDVijayDeverakonda என்ற ஹேஷ்டேக்கை உருவாக்கி வைரலாக்கி வருகின்றனர். ராஷ்மிகாவின் இந்தப் பதிவு வெளியான சில நிமிடங்களிலேயே லட்சக்கணக்கான லைக்குகளையும் கமெண்ட்களையும் குவித்தது. அதிகாரப்பூர்வமாகத் திருமண அறிவிப்பு வராவிட்டாலும், ஒருவருக்கொருவர் விசேஷ நாட்களில் காட்டும் இந்த அன்பு ரசிகர்களைப் பெரிதும் கவர்ந்து வருகிறது.
