உலகப் புகழ்பெற்ற வீடியோ கேமை அடிப்படையாகக் கொண்டு உருவான மோர்டல் கோம்பாட் II (Mortal Kombat II)திரைப்படம், பாக்ஸ் ஆபீஸில் புதிய வசூல் அலைகளை உருவாக்கியுள்ளது. திரையரங்குகளில் வெளியான வெறும் 10 நாட்களிலேயே, இத்திரைப்படம் 2021-ல் வெளியான அதன் முதல் பாகத்தின் ஒட்டுமொத்த வாழ்நாள் வசூலையும் முறியடித்து புதிய சாதனை படைத்துள்ளது. வன்முறையும் அதிரடியும் நிறைந்த இந்தத் தொடர்ச்சி, உலகளாவிய ஆக்ஷன் ரசிகர்களைத் தியேட்டர்களை நோக்கி வரவழைத்துள்ளது.
சைமன் மெக்குவொய்ட் (Simon McQuoid) இயக்கத்தில் உருவாகியுள்ள இந்த இரண்டாம் பாகத்தில், ரசிகர்கள் நீண்ட நாட்களாக எதிர்பார்த்த அதிகாரப்பூர்வ சண்டைப் போட்டிகள் (Tournament) பிரமாண்டமாகக் காட்டப்பட்டுள்ளன. இந்த புதிய பாகத்தில் ஜானி கேஜ் (Johnny Cage) என்ற முக்கிய கதாபாத்திரத்தில் பிரபல ஹாலிவுட் நடிகர் கார்ல் அர்பன் (Karl Urban) நடித்துள்ளார். அவரது வருகையும், மேம்படுத்தப்பட்ட விஎஃப்எக்ஸ் (VFX) காட்சிகளும் படத்தின் வெற்றிக்கு முக்கிய பலமாக அமைந்துள்ளதாக ரசிகர்கள் தங்களது கருத்துக்களைப் பகிர்ந்து வருகின்றனர்.
முதல் வார இறுதியில் மட்டும் 63 மில்லியன் டாலர் வசூலுடன் தொடங்கிய இப்படம், தற்போதும் தியேட்டர்களில் நல்ல வரவேற்பைப் பெற்று வருகிறது. கான்கிரீட் கதைக் களமும், கேமில் வரும் அசல் சண்டை உத்திகளும் அப்படியே திரையில் கொண்டுவரப்பட்டதே இதன் வெற்றிக்குக் காரணமாகக் கூறப்படுகிறது. குறிப்பாக, ஆசிய நாடுகள் மற்றும் வட அமெரிக்காவில் இந்தத் திரைப்படத்திற்கான தியேட்டர் முன்பதிவுகள் இன்னும் சில வாரங்களுக்குத் தொடரும் என எதிர்பார்க்கப்படுகிறது.
