ஈப்போ: சிலிம் ரிவர் சுங்கச்சாவடிக்கு அருகில், வடக்கு நோக்கிச் செல்லும் பாதையில் மூன்று லாரிகள் மோதிக்கொண்ட விபத்தில், கூரியர் லோரி ஓட்டுநர் ஒருவர் சம்பவ இடத்திலேயே உயிரிழந்தார். பேராக் மாநில தீயணைப்பு மற்றும் மீட்புத் துறையின் உதவி செயல்பாட்டு இயக்குநர் சபரோட்ஸி நூர் அகமது கூறுகையில், மூன்று டன் எடை கொண்ட கூரியர் லோரியை ஓட்டி வந்த 31 வயதான அந்த நபர், புதன்கிழமை (அக்டோபர் 29) இரவு சுமார் 10.50 மணியளவில் நடந்த இந்த விபத்தில் சம்பவ இடத்திலேயே உயிரிழந்ததை சுகாதார அமைச்சக அதிகாரிகள் உறுதிப்படுத்தினர் என்று தெரிவித்தார்.

பாதிக்கப்பட்ட நபர் தனது வாகனத்திற்குள் சிக்கிய நிலையில் கண்டெடுக்கப்பட்டார். அவரது உடல், அடுத்தகட்ட நடவடிக்கைகளுக்காக காவல்துறையிடம் ஒப்படைக்கப்பட்டது என்று அவர் ஓர் அறிக்கையில் குறிப்பிட்டுள்ளார். காய்கறிகள், மீன்களை ஏற்றிச் சென்ற மற்ற இரண்டு லோரிகளின் ஓட்டுநர்களுக்கு எந்தப் பாதிப்பும் ஏற்படவில்லை  என்று  தெரிவித்தார்.