Offline
Menu
மலாக்கா முதலமைச்சராக மீண்டும் அப்துல் ரவூப் யூசோ!
By Administrator
Published on 11/16/2026 15:00
News
இரண்டாவது முறையாகப் பதவியேற்பு!

மலாக்கா மாநிலத்தின் 16ஆவது சட்டமன்றத் தேர்தலில் பாரிசான் நேஷனல் கூட்டணி வெற்றி பெற்றதைத் தொடர்ந்து, டத்தோ ஸ்ரீ டாக்டர் அப்துல் ரவூப் யூசோ மீண்டும் மலாக்கா முதலமைச்சராகப் பதவியேற்றுள்ளார்.

 

65 வயதான அப்துல் ரவூப், இன்று நண்பகல் 12.10 மணியளவில் ஆயர் கெரோவில் உள்ள மாநில ஆளுநர் அலுவலகத்தில், மலாக்கா மாநில ஆளுநர் துன் முகமது அலி முகமது ருஸ்தம் முன்னிலையில் பதவிப் பிரமாணம் செய்துகொண்டார்.

 

இதன்மூலம் மலாக்காவின் 13ஆவது முதலமைச்சராக அவர் இரண்டாவது முறையாகப் பொறுப்பேற்றுள்ளார்.

இந்தப் பதவியேற்பு நிகழ்ச்சியில் துணைப் பிரதமரும் பாரிசான் நேஷனல் தலைவருமான டத்தோ ஸ்ரீ டாக்டர் அஹ்மத் ஸாஹிட் ஹமிடி, மசீச தலைவர் டத்தோ ஸ்ரீ டாக்டர் வீ கா சியோங், மஇகா துணைத் தலைவர் டத்தோ ஸ்ரீ எம். சரவணன் உள்ளிட்ட முக்கியத் தலைவர்கள் கலந்துகொண்டனர்.

 

நேற்று நடைபெற்ற மாநிலத் தேர்தலில் தஞ்சோங் பிடாரா தொகுதியில் போட்டியிட்ட அப்துல் ரவூப், பக்காத்தான் ஹராப்பான் வேட்பாளர் யுனாஸ்ரி முஸ்தமிரியை 8,615 வாக்குகள் பெரும்பான்மையில் தோற்கடித்து தனது தொகுதியைத் தக்கவைத்துக்கொண்டார்.

 

மொத்தமுள்ள 28 சட்டமன்றத் தொகுதிகளில் பாரிசான் நேஷனல் 21 இடங்களையும், பெரிக்காத்தான் நேஷனல் 3 இடங்களையும், பக்காத்தான் ஹராப்பான் 4 இடங்களையும் கைப்பற்றியுள்ளன.

 

பாரிசான் நேஷனல் மற்றும் பெரிக்காத்தான் நேஷனல் இணைந்து 24 இடங்களைப் பெற்றுள்ள நிலையில், மலாக்காவில் புதிய மாநில அரசாங்கம் அமைக்கப்பட்டுள்ளது. 

Comments