ஜோஹோர் அரசு, கெம்பாஸ் பகுதியில் சுகாதார அமைச்சின் பயன்படுத்தப்படாத கூட்டரசு நிலத்தை, ஜோஹோர் மலிவு வீடமைப்பு திட்டம் (RMMJ) மூலம் மக்கள் வசிப்பிடமாக மாற்ற, புத்ராஜாயாவிடம் திருப்பி வழங்கும்படி கேட்டுக்கொள்ள திட்டமிட்டுள்ளது.முதல்வர் டத்தோ ஓன் ஹபிஸ் காஜி, தமான் புக்கிட் இந்தா பகுதியில் நடைபெற்ற நிகழ்வில், "நிலம் பயன்பாட்டில் இல்லையெனில், அதை மாநில அரசுக்கு வழங்க வேண்டும்," எனக் கூறினார்.

RMMJ திட்டத்தை விரிவுபடுத்த, கூட்டரசு அரசு, தனியார் வளர்த்தெழுப்புநர்கள் மற்றும் ஜோஹோர் இஸ்லாமிய மதவாரியத்துடன் இணைந்து செயல்படுவதாகவும், இந்நிலையில் 10 திட்டங்கள் முடிக்கப்பட்டுள்ளதாகவும், இந்த ஆண்டும் அடுத்த ஆண்டும் இஸ்காண்டார் புதேரி, தெப்ராவ், குலாய், பத்து பாட், க்ளுவாங் மற்றும் செகாமட்டில் மேலும் வீடுகள் கட்டப்படவுள்ளதாகவும் அவர் தெரிவித்தார்.மே 27 அன்று, கெம்பாஸ் உறுப்பினர் ரம்லீ போஹானி, பயனில்லாத கூட்டரசு நிலங்களை நிலம் பரிமாற்றம் மூலமாக மக்களின் குடியிருப்பாக மாற்ற வேண்டியது என பரிந்துரை செய்திருந்தார்.