பெட்டாலிங் ஜெயா,

அரச ஊழியர்கள், வரும் சனிக்கிழமை கோலாலம்பூரில் நடைபெற உள்ள “Turun Anwar” ஆர்ப்பாட்டத்தில் பங்கேற்கக்கூடாது என அரசின் முதன்மை செயலாளர் ஷம்சுல் அஸ்ரி அபூ பக்கர் தெரிவித்துள்ளார்.

“இது அரச ஊழியர்களுக்கு ஏற்ற செயல் அல்ல. நாட்டு அரசுக்கு நம்பிக்கை மற்றும் நாட்டிற்கான உணர்வை வெளிப்படுத்தும் ருகுன் நெகாரா (Rukun Negara) கொள்கைக்கு இது முரணானது,” என அவர் கூறினார்.

“அவர்கள் அரச ஊழியர்கள். எவ்வாறு இத்தகைய ஆர்ப்பாட்டத்தில் கலந்துகொள்ள முடியும்? தினமும், வாரம் தோறும் நாட்டு அரசுக்கும், நாட்டிற்குமான நம்பிக்கையை சத்தியமாக உச்சரிக்கிறோம்,” என அவர் புத்ராஜெயாவில் நடைபெற்ற விளையாட்டு விழா ஒன்றின் பின்னர் செய்தியாளர்களிடம் தெரிவித்தார்.

இந்த ஆர்ப்பாட்டத்தை பெரிகாத்தான் நேஷனல் கட்சி ஏற்பாடு செய்துள்ளது. அதன் நோக்கம் பிரதமர் அன்வார் இப்ராஹீம் ராஜினாமா செய்ய வேண்டும் என்ற கோரிக்கையை வலியுறுத்துவதாகும்.

Dataran Merdeka பகுதியில் நடைபெற உள்ள இந்த போராட்டத்தில் 300,000 பேர் வரை கலந்துகொள்ளலாம் என ஏற்பாட்டாளர்கள் எதிர்பார்க்கின்றனர். ஆனால், கடந்த வாரம் ஷா ஆலமில் நடைபெற்ற இன்னொரு ஆர்ப்பாட்டத்தில் சுமார் 300 பேரே வந்தனர்.

“இந்த போராட்டத்தை ஒழுங்காக நடத்தவும், அனைவரின் பாதுகாப்பையும் உறுதிப்படுத்தவும், 2,000க்கும் மேற்பட்ட போலீசாரும் பணி நியமனம் செய்யப்படவுள்ளனர்” என இந்நிலையில், கோலாலம்பூர் துணை போலீஸ் தலைவர் மொகமட் யூசுப் ஜான் மொகமட் தெரிவித்தார்.

இந்த ஆர்ப்பாட்டத்தில் 10,000 முதல் 15,000 பேர் வரை கலந்துகொள்ளலாம் என போலீசார் மதிப்பிட்டுள்ளனர்.