ஆர்.ஜே. பாலாஜி இயக்கத்தில் சூர்யா நடிக்கும் கருப்பு படத்தின் டீசர், அவரது பிறந்தநாளையொட்டி வெளியிடப்பட்டுள்ளது. ட்ரீம் வாரியர் பிக்சர்ஸ் தயாரிக்கும் இந்த படத்தில் த்ரிஷா, ஸ்வாசிகா, இந்திரன்ஸ், அஹானா மாயா ரவி உள்ளிட்டோர் நடித்துள்ளனர்.
மிரட்டலான டீசரில், சூர்யா இரட்டை வேடத்தில் — ஒருவர் வழக்கறிஞர், மற்றவர் கருப்புசாமி என — வருவதாக தகவல் வெளியாகியுள்ளது.
அதிலும் சிறப்பாக, இயக்குநர் ஆர்.ஜே. பாலாஜி வில்லனாக நடித்திருப்பது பெரும் அதிர்ச்சியை ஏற்படுத்தியுள்ளது.மற்றொரு காட்சியில், சூர்யாவின் கையை பிடிக்கும் இரண்டாவது கேரக்டர் கூட சூர்யாவே என கூறப்படுகிறது.
மலையாள நடிகை அஹானா மாயா ரவி, விமர்சகர் கோடாங்கி, மற்றும் ஸ்வாசிகா ஆகியோர் டீசரில் தோன்றினாலும், கதாநாயகி த்ரிஷா டீசரில் காணப்படவில்லை.
போராட்டக் காட்சிகள், அதிரடி டயலாக்கள் மற்றும் சர்ப்ரைஸ் எலெமெண்ட்களால் கருப்பு டீசர் ரசிகர்களை பரபரப்பில் ஆழ்த்தியுள்ளது.
