ஷா ஆலம்:

சிலாங்கூர் ராஜா மூடா தெங்கு அமீர் ஷா மற்றும் அப்சா ஃபாதினி அப்துல் அஜீஸ் ஆகியோரின் திருமணத்தை முன்னிட்டு, கிள்ளான் பகுதியில் உள்ள பத்து முக்கிய சாலைகள் தற்காலிகமாக மூடப்படுகின்றன.

இந்த மூடல்கள் நாளை (செப்டம்பர் 27) காலை 8 மணி முதல் செப்டம்பர் 29 வரை கட்டங்களாக அமலில் இருக்கும். மேலும், அக்டோபர் 1 மற்றும் 2 ஆம் தேதிகளிலும் சாலை மூடப்படும்.

முழுமையாக மூடப்படும் சாலைகள்: ஜாலான் தெங்கு டியாவுடின் – ஜாலான் இஸ்தானா, ஜாலான் இஸ்தானா – புலதான் சிம்பாங் லிமா, ஜாலான் இஸ்தானா – ஜாலான் ஸ்டேடியம் சுல்தான் சுலைமான், ஜாலான் இஸ்தானா – லோரோங் டிங்கட், ஜாலான் இஸ்தானா – ஜாலான் பெகாவாய், ஜாலான் இஸ்தானா – ஜாலான் தெங்குலா – ஜாலான் 2, ஜாலான் 2, ஜாலான் மா – ஜாலான் மா புக்கிட் இஸ்தானா.

கட்டங்களாக மூடப்படும் சாலைகள்: ஜாலான் டத்தோ ஹம்சா – ஜாலான் தெங்கு கெலானா மற்றும் ஜாலான் ராஜா ஜூமாத் – ஜாலான் இஸ்தானா.

இது தொடர்பில் போலீசார் தெரிவித்ததாவது, சாலை மூடல் நேரங்கள் மற்றும் வழிகள் குறித்த கூடுதல் தகவல்கள் அதிகாரப்பூர்வ Facebook பக்கத்தில் பகிரப்படும். பயணிகள் தங்கள் பயணத்தை முன்கூட்டியே திட்டமிட்டு மாற்று வழிகளைப் பயன்படுத்துமாறு அறிவுறுத்தப்பட்டுள்ளனர். அதேசமயம், சாலையில் பணியாற்றும் அதிகாரிகளின் அறிவுறுத்தல்களைப் பின்பற்றுமாறு பொதுமக்களிடம் கோரிக்கை விடுக்கப்பட்டுள்ளது.

தெங்கு அமீர் ஷா தனது வருங்கால மனைவியான அப்சா ஃபாதினி அப்துல் அஜீஸை அக்டோபர் 2 அன்று இஸ்தானா திராஜா மசூதியில் திருமணம் செய்து கொள்கிறார். இஸ்தானா ஆலம் ஷாவில் வரவேற்பு மற்றும் அரச விருந்து அக்டோபர் 22 அன்று நடைபெறும்.