சிரம்பான்:

இரண்டு நாட்களுக்கு முன்பு நீலாய், லெங்கெங்கில் உள்ள ஒரு பள்ளியில் மாணவர் ஒருவர் கழிவுநீர் குழியில் விழுந்து, உயிரிழந்த துயர சம்பவம் தொடர்பாக இதுவரை ஒன்பது பேரிடம் போலீசார் வாக்குமூலம் பதிவு செய்துள்ளனர்.

புகார்தாரர், ஆசிரியர்கள் மற்றும் பள்ளி மாணவர்கள் விசாரிக்கப்பட்டவர்களில் அடங்குவதாக நெகிரி செம்பிலான் காவல்துறைத் தலைவர் டத்தோ அல்சாஃப்னி அமாட் தெரிவித்தார்.

“பொதுப்பணித் துறை, இண்டா வாட்டர் கன்சோர்டியம் SDN. BHD. நிறுவனம் மற்றும் தேசிய நீர் சேவைகள் ஆணையத்தின் பிரதிநிதிகளிடமிருந்து என இன்று மேலும் நான்கு வாக்குமூலங்களைப் பதிவு செய்வோம்.

“குழந்தைகள் சட்டம் 2001 (சட்டம் 611) இன் பிரிவு 31(1)(a) இன் கீழ் விசாரணை நடந்து வருகிறது, மேலும் விசாரணை செயல்முறையைத் தடுக்கக்கூடும் என்பதால், ஊகங்களைத் தவிர்க்குமாறு பொதுமக்களை நாங்கள் கேட்டுக்கொள்கிறோம்,” என்று அவர் கூறினார்.

சம்பவம் நடந்த இடத்தில் சிசிடிவி காட்சிகள் எதுவும் இல்லை என்பதையும் அவர் உறுதிப்படுத்தினார்.

கடந்த சனிக்கிழமை, 3 ஆம் வகுப்பு மாணவர் அப்துல் ஃபத்தா கைரோல் ரிசால் பள்ளியில் கழிவுநீர் குழியில் விழுந்து இறந்தார்.

நேற்று, நெக்ரி செம்பிலான் கல்வித் துறையுடன் சேர்ந்து, இந்த துயரச் சம்பவம் குறித்து முழுமையான விசாரணை நடத்துவதற்கு அமைச்சகம் முழுப் பொறுப்பு என்று கல்வி அமைச்சர் ஃபத்லினா சிடெக் கூறினார்.

எதிர்காலத்தில் இதுபோன்ற சம்பவங்கள் நிகழாமல் தடுக்க மேலும் நடவடிக்கை எடுக்க விரைவில் முழுமையான விசாரணை அறிக்கை சமர்ப்பிக்கப்படும் என்று அவர் உறுதியளித்தார்.