கோலாலம்பூர் –புத்ரா ஹைட்ஸ் மற்றும் சுபாங் ஜெயா பகுதிகளில் எரிவாயு குழாய் வெடிப்பால் பாதிக்கப்பட்ட பகுதிகளில் சுத்தம் செய்யும் பணிகள் 90% வரை 12 மணி நேரத்தில் முடிக்கப்பட்டதாக கே.டி.இ.பி. கழிவு மேலாண்மை நிறுவனம் தெரிவித்தது. தாமான் புத்ரா ஹார்மோனி மற்றும் காம்போங் கோலா சுங்கை பாருவில் சேதமடைந்த பொருட்கள் அகற்றப்பட்டு, குடியிருப்பாளர்கள் வெளியேற்றப்பட்டனர். 4,000-க்கும் மேற்பட்ட தன்னார்வலர்கள் மற்றும் அரசு, தனியார் அமைப்புகள் இணைந்து சுத்தப்பணிகளில் ஈடுபட்டனர். ஏப்ரல் 1 அன்று ஏற்பட்ட எரிவாயு வெடிப்பால், 2 ஹெக்டேர் நிலப்பரப்பில் தீ பரவியது. சுத்தம் செய்யும் பணிகள் தொடர்ந்து நடைபெற்று வருகின்றன.
