யுஇஎஃப்ஏ சாம்பியன்ஸ் லீக் கால்பந்து தொடரின் பிளே-ஆஃப் சுற்றில், நார்வே நாட்டைச் சேர்ந்த போடோ/கிளிம்ட் அணி 3-1 என்ற கணக்கில் பலம் வாய்ந்த இன்டர் மிலன் அணியை வீழ்த்தி உலகையே ஆச்சரியப்படுத்தியுள்ளது. இந்தப் போட்டியின் இரண்டாம் பாதியில் நான்கு நிமிட இடைவெளியில் இரண்டு கோல்களை அடித்து போடோ/கிளிம்ட் அணி ஆட்டத்தை தன்வசப்படுத்தியது. அந்த அணியின் கஸ்பர் ஹோக் (Kasper Høgh) ஒரு கோல் அடித்ததுடன் மற்றொரு கோலுக்கு உதவியாகவும் இருந்து ஆட்டநாயகன் விருதை வென்றார்.

மற்றொரு போட்டியில், நியூகாஸில் யுனைடெட் அணி 6-1 என்ற கணக்கில் கராபாக் (Qarabağ) அணியை துவம்சம் செய்தது. இதன் மூலம் அடுத்த சுற்றுக்கு முன்னேறும் வாய்ப்பை நியூகாஸில் கிட்டத்தட்ட உறுதி செய்துள்ளது. அதேபோல், பேயர் லெவர்குசென் அணி 2-0 என்ற கணக்கில் ஒலிம்பியாக்கோஸ் அணியை வீழ்த்தியது. இதில் பேட்ரிக் ஷிக் (Patrik Schick) இரண்டு கோல்களை அடித்து அணியின் வெற்றிக்கு முக்கிய காரணமாக அமைந்தார. 

கிளப் ப்ரூக் (Club Brugge) மற்றும் அட்லெட்டிகோ மாட்ரிட் அணிகளுக்கு இடையிலான போட்டி 3-3 என்ற கணக்கில் பரபரப்பான சமனில் முடிந்தது. அட்லெட்டிகோ அணி இரண்டு கோல்கள் முன்னிலையில் இருந்தபோதும், கடைசி நிமிடங்களில் கிளப் ப்ரூக் அணியின் கிறிஸ்டியன் ஜோலிஸ் (Christian Tzolis) அடித்த கோல் போட்டியை சமன் செய்தது. இந்த முடிவுகள் சாம்பியன்ஸ் லீக் தொடரின் அடுத்தக்கட்டப் போட்டிகள் மீதான எதிர்பார்ப்பை அதிகரித்துள்ளன.